E fraccion di Staten RAIZ ta buscando un fulltime empleado di fraccion motiva cu por yuda e fraccion funciona optimalmente.
E fraccion di Staten RAIZ ta consisti di dos miembro di Staten. Pa fortalece e team aki nos ta buscando un empleado cu por ehecuta e siguiente funcionnan:
conduci investigacion y duna conseho sustancial;
colecta, ordena y selecta informacion tocante topiconan sustancial;
dirigi e preparacionnan pa bishita di trabao, encuentro y reunionnan;
compila dossiers;
notula reunionnan;
participa y ofrece asistencia ora di formula pregunta, mocion y notificacionnan;
mantene corespondencia y contacto cu stakeholders;
atende cu publicidad y comunicacion.
Rekisitonan pa e funcion
Nos ta buscando un persona cu:
un actitud proactivo y flexibel;
bon abilidadnan comunicativo, mes tanto verbalmente como por escrito;
bon (por escrito) dominio di hulandes y papiamento;
educacion huridico completa (of casi) riba nivel di HBO of WO;
bon abilidadnan investigativo;
capacidad mental critico;
conocemento di y sentido pa politica y gobernacion Arubano y percepcion scerpi di e relacionnan gubernamental Arubano;
curason pa e bienestar di e pueblo Arubano.
Experiencia ta un pré, pero no un must. Nos ta ofrece un salario apropia.
Email bo CV y carta di motivacion no mas tarda cu 15 augustus 2021 na info@raizaruba.com Combersacionnan ta tuma lugar desde 18 augustus 2021. Pa pregunta por tuma contacto cu nos via WhatsApp +297 5949787