Resumen di metanan logra den aña 2023:
• 𝐀 𝐢𝐧𝐜𝐨𝐫𝐩𝐨𝐫𝐚 𝐋𝐨𝐠𝐨𝐩𝐞𝐝𝐢𝐞 𝐝𝐞𝐧 𝐩𝐚𝐤𝐞𝐭𝐞 𝐛𝐚𝐬𝐢𝐜𝐨 𝐝𝐢 𝐀𝐙𝐕
Misha a lucha pa mas cu 2 aña pa sigura cu tur hende y mucha en especial por haya cobertura di logopedie. Un exito mirando e cantidad grandi di mucha cu tawata tin mester di e tratamento aki. Desde 2 di september 2023 AZV oficialmente ta cubri logopedie.
• 𝐏𝐥𝐚𝐧 𝐝𝐢 𝐩𝐫𝐞𝐯𝐞𝐧𝐜𝐢𝐨𝐧 𝐝𝐢 𝐬𝐮𝐢𝐜𝐢𝐝𝐢𝐨 𝐭𝐚 𝐰𝐨𝐫𝐝𝐨 𝐢𝐦𝐩𝐥𝐞𝐦𝐞𝐧𝐭𝐚
Un logro grandi di Misha ta e implementacion di su mocion, un plan di prevencion di suicidio. E plan aki ta awor ta den pleno ehecutacion y lo continua y wordo amplia den 2024.
• 𝐂𝐚𝐦𝐛𝐢𝐨 𝐝𝐞𝐧 𝐬𝐭𝐫𝐮𝐜𝐭𝐮𝐫𝐚 𝐝𝐢 𝐩𝐚𝐠𝐨 𝐝𝐢 𝐬𝐚𝐥𝐚𝐫𝐢𝐨 𝐦𝐢𝐧𝐢𝐦𝐨
Na 2022 Misha a trece un mocion pa cambia e structura di salario minimo, cu ta basa riba un suma pa luna. Tin hende ta traha mas cu 40 ora pa siman y ta ricibi e mesun salario minimo. Misha su iniciativa pa implementa e salario minimo basa riba ora traha, lo drenta na vigor na mei 2024.
• 𝐂𝐨𝐧𝐟𝐢𝐫𝐦𝐚𝐜𝐢𝐨𝐧 𝐜𝐮 𝐥𝐨 𝐨𝐟𝐫𝐞𝐜𝐞 𝐟𝐲𝐬𝐢𝐨𝐭𝐡𝐞𝐫𝐚𝐩𝐢𝐞 𝐬𝐩𝐞𝐜𝐢𝐚𝐥𝐢𝐬𝐚 𝐩𝐚 𝐦𝐮𝐜𝐡𝐚
Durante tratamento di prespuesto di aña 2023 y 2024, Misha a ilustra riba e importancia pa AZV ofrece fysiotherapie specialisa pa mucha. A ricibi confirmacion cu lo cuminsa ofrece fysiotherapie specialisa pa mucha na januari 2024.
𝐀𝐋𝐆𝐔𝐍 𝐃𝐈 𝐒𝐔 𝐌𝐄𝐓𝐀𝐍𝐀𝐍 𝐏𝐀 𝟐𝟎𝟐𝟒:
• 𝐋𝐮𝐜𝐡𝐚 𝐩𝐚 𝐦𝐚𝐭𝐫𝐢𝐦𝐨𝐧𝐢𝐨 𝐞𝐧𝐭𝐫𝐞 𝐩𝐞𝐫𝐬𝐨𝐧𝐚𝐧𝐚𝐧 𝐝𝐢 𝐦𝐞𝐬𝐮𝐧 𝐬𝐞𝐱𝐨
Misha ta keda lucha pa e derechonan di personanan LGBTQ+, incluyendo e derecho di matrimonio entre personanan di mesun sexo, y ta cla pa e debate publico.
• 𝐈𝐧𝐜𝐨𝐫𝐩𝐨𝐫𝐚𝐜𝐢𝐨𝐧 𝐝𝐢 𝐝𝐞𝐫𝐞𝐜𝐡𝐨𝐧𝐚𝐧 𝐝𝐢 𝐦𝐮𝐜𝐡𝐚 𝐝𝐞𝐧 𝐜𝐨𝐧𝐬𝐭𝐢𝐭𝐮𝐜𝐢𝐨𝐧 𝐝𝐢 𝐀𝐫𝐮𝐛𝐚
Den aña 2024, Misha tin como meta pa inclui derechonan di mucha den e constitucion di Aruba, ancrando e realidad na unda tur mucha por tin derechonan garantisa. Misha ta trahando riba esaki desde cu a huramenta como Parlamentario.
• 𝐅𝐚𝐜𝐢𝐥𝐢𝐭𝐚 𝐩𝐚 𝐩𝐨𝐫 𝐫𝐢𝐜𝐢𝐛𝐢 𝐩𝐚𝐠𝐨 𝐨𝐧𝐥𝐢𝐧𝐞 𝐧𝐚 𝐀𝐫𝐮𝐛𝐚
Misha kier amplia con por ricibi pago na Aruba, y ta tratando hunto cu Parlamentario Kamperveen pa logra ricibi pagonan online, habriendo asina e porta pa por genera entrada di afo.
Parlamentario Misha Raymond ta desea pueblo henter un feliz aña 2024!
