Derecho di Naturalesa: Protehando Aruba For Di Su Raiz
Diasabra ultimo, dia 9 di juni, Aruba henter tabata invita pa participa gratuitamente na e simposio Derecho di Naturalesa; un obsekio di movimento RAIZ pa gradici pueblo pa e gran sosten durante nan prome aña di existencia. Publico a balora e gesto aki cu nan presencia masal, yenando e aula di Universidad di Aruba rand rand di ciudadanonan motiva pa comparti nan preocupacionnan, ideanan innovativo, pregunta, sugerencianan … pues, tur e ingredientenan necesario pa procesa cualkier solucion realistico y realisabel na bienestar di nos tur.
Experto y representantenan for di diferente organisacion ambiental na Aruba a percura pa e publico presente ricibi un pakete completo di informacion encuanto nos naturalesa, medio ambiente, reto y posibilidadnan. Entre e invitadonan a conta cu e contribucion introductorio di sr. Gian Nunes, un biologo marino local y investigador na Parke Nacional Arikok. Tambe Sra. Micheline Bury, experto ariba tereno di ley constitucional como tambe ley di medio ambiente, cu a elabora riba su tesis “Naturalesa den peliger, derecho di naturalesa y ley di medio ambiente internacional”. Sr. Jurgen van Schaijk, gerente di Amsterdam Manor, sra. Edith van der Wal di Turtuga Aruba , sra. Stacey Britten di Healthy Coral Foundation y sr. Greg Peterson di Aruba Birdlife Conservation cu ta carga un sanctuario di experiencia pa loke ta trata e preservacion di nos naturalesa. Apesar cu Aruba por beneficia grandemente di e conocemento di profesionalnan for di exterior, nos nunca mester neglisha e experticio cu nos tin den nos propio cas. Es mas, e unico manera pa realmente beneficia di tipo di iniciativanan aki, ta por medio di colaboracion entre nos mesun hendenan na prome lugar. Treciendo Aruba hunto sin importa color politico, diferencia di opinion, e pasado, ta un prome paso pa mehoracion. E resto ta puro ganashi.
Cu e bishita di sra. Natalia Greene, fundadora di e Derechonan di Naturalesa na su pais natal Ecuador, cada persona presente durante e simposio aki a gana un premio. Su contribucion no ta meramente un charla tocante e meta y logronan di e organisacion cu e ta representa. Tabata tin oportunidad pa comparti e historia di su relacion cu Raiz, pa trece varios topico dilanti pa asina analisa esakinan for di diferente angulo. Participacion activo di e comunidad ta keda esencial. Apesar di e limitacion di tempo y cantidad grandi di pregunta, e intercambio entre e publico y e panelistanan a procede satisfactoriamente bou guia di e dos excelente anfitrionnan: Jessica Besselink y Raffy Kock, ambos miembro di Aruba Toastmasters Club.
Movimento RAIZ kier a gradici e publico cu a participa cu tanto entusiasmo y determinacion, e orador y panelistanan cu a comparti nan pasion y experticio, Universidad di Aruba pa nan hospitalidad y colaboracion semper, y e hoben Mohamad Croes cu a coordina e simposio.
Den e proximo simannan lo bay divulga mas tocante e contribucion di sra. Natalia Greene y “Global Alliance for the Rights of Nature” pa cu proteccion di nos naturalesa y medio ambiente, conhuntamente cu nos pioneronan local. Danki Aruba!
limitacion di tempo y cantidad grandi di pregunta, e intercambio entre e publico y e panelistanan a procede satisfactoriamente bou guia di e dos excelente anfitrionnan: Jessica Besselink y Raffy Kock, ambos miembro di Aruba Toastmasters Club.
Movimento RAIZ kier a gradici e publico cu a participa cu tanto entusiasmo y determinacion, e orador y panelistanan cu a comparti nan pasion y experticio, Universidad di Aruba pa nan hospitalidad y colaboracion semper, y e hoben Mohamad Croes cu a coordina e simposio.
Den e proximo simannan lo bay divulga mas tocante e contribucion di sra. Natalia Greene y “Global Alliance for the Rights of Nature” pa cu proteccion di nos naturalesa y medio ambiente, conhuntamente cu nos pioneronan local. Danki Aruba!