Cada ser humano tin e derecho pa seguridad social y pa e por desaroya su mes.
Inhusticia social ta ora e derechonan aki no wordo respeta y e oportunidadnan ta limita, of e ser humano ta wordo trata inhusto.
Inhusticia social tin consecuencianan negativo pa e nivel di educacion di un pais, e economia y e seguridad di un pais.
Mane dr. Martin Luther King jr. a yega di bisa: “Injustice anywhere is a threat to justice everywhere.”
Inhusticia, unda cu ta cu e tuma lugar, ta un menasa pa e paz, trankilidad, seguridad y husticia di un pais. Bibando den un pais democratico, husticia social kiermen cu nos tur tin acceso na cuminda, un dak riba nos cabes y awa limpi.
Husto no ta nifica cu tur hende ta haña mesun cos.
Husto kiermen cu tur hende ta haña locual nan mester pa por ta exitoso.
Igualdad no ta nifica cu tur hende mester ta miyonario. E ta nifica cu tur hende den e comunidad tin e basico necesario pa por biba, cu nan por biba sin miedo di cualkier contratiempo, manera p.e. perde nan cas y termina riba caya.
Husticia Social ta e garantia di un stabilidad economico pa tur hende.
Igualdad ta nifica cu tur hende por haña un educacion den un lugar safe cu ta motivanan pa caba nan estudio y cu ta brinda tur hende oportunidadnan igual pa obtene un educacion.
Ora tin husticia social ta Aruba ta esun cu ta beneficia ora cu tur mucha tin un educacion.
E importancia di salubridad ta un cuestion di bida y morto. Nos no por biba den un sociedad na unda e sistema ta dicidi ken si ta haña trato medico y ken no.
Igualdad kiermen cu nos ta boga pa tur hende por biba saludabel, haña bon trato medico cu ta pagabel.
Igualdad kiermen cu nos no ta wordo discrimina a base di edad.
Como mucha nos derechonan mester conta y ora nos bira adulto mayor tambe nos derechonan mester keda conta.
Igualdad kiermen cu nos no ta wordo discrimina a base di rasa, genero, religion ni sexualidad.
Nos tur ta wordo trata husto y tin e mesun oportunidad.
Nos tur na Aruba ta wordo trata igual y tin e mesun calidad di bida!
Aruba……. sin husticia, inhusticia lo prevalece!
25 di juni, Vota Husticia social, Vota Husticia, Vota pa paz y trankilidad riba nos pais, Vota Raiz, Vota Ruthlyn Lindor #5 riba lista di RAIZ.
