Cu gran anticipacion RAIZ ta organisando su prome BINGO! Di e forma aki RAIZ kier presenta na pueblo e oportunidad pa sostene e mision di su movimento: un generacion nobo cu lo sigui aporta y contribui su vision y ideanan innovativo pa e miho futuro di cada ser humano riba nos isla, na un manera honesto y transparente.
RAIZ, despues di su participacion den eleccion 2017 anto cu corto tempo di preparacion, a realisa cu pa por sigui crece mester genera fondo pa asina profila e movimento na e forma mas efectivo y consistente na fabor di nos comunidad.
E Family Night BINGO lo tuma lugar ariba diasabra, dia 8 di september proximo. Meta y proposito di e fondonan recauda ta:
Contribui na e ampliacion di conocemento di nos hendenan por medio di e organisacion di tayer, simposio y tambe charla, ofreciendo di e forma aki un plataforma amplio pa por intercambia informacion encuanto diferente topico di relevancia.
Spierta e curiosidad y interes di e pueblo y stimula participacion di cada ciudadano pa contribui colectivamente na mehoracion di e diferente areanan cu ta afectando nos bida diario.
Carchi di BINGO ta obtenibel na:
1. VTC San Nicolas Lottery (San Nicolas)
2. Elsa’s Lottery (Watertoren Oranjestad)
3. Flor di Shoshoro Lottery (Cumana)
4. Candy’s Lottery (Tanki Leendert)
5. Warawara Lottery (Santa Cruz)
6. Djucu Mega Lottery (Sero Patrishi)
Bo persona of organisacion ta desea di participa? Pa mas informacion tocante compra di tickets of buki di BINGO, tuma contacto cu nos na tel: +297 630 3511
“Aruba, nos ta conta cu bo sosten!”
