Ta sigui busca maneranan practico pa mehora calidad di bida di nos Adultonan Mayor.
Parlamentario y miembro di fraccion Raiz, Raymond Kamperveen, a entrega dos mocion na beneficio di nos Adultonan Mayor dia 18 di december 2023 durante e tratamento di presupuesto 2024.
Den e prome mocion Parlamentario Kamperveen ta boga pa nos Adultonan Mayor cu ta ricibi 1 of 2 pension, na unda e entrada no ta surpasa Afl.30.000 pa aña, cu ta e “belasting vrije bedrag”, pa nan wordo saca di e sistema di impuesto pa asina nan no tin cu sigui yena un formulario di “aangifte inkomstenbelasting” tur aña.
E di dos mocion ta urgi Gobierno pa sondea e posibilidad pa duna nos pensionadonan riba e edad di 80 aña, un despensacion di mester paga impuesto di entrada, pa asina duna un alivio na un grupo chikito di Adulto Mayor y mehora nan calidad di bida.
E mocionnan a wordo aproba unanimamente.