Mocion di Raiz unanimamente aproba
Diahuebs, 19 di Augustus 2021, Fraccion di Raiz a presenta un mocion den cuadro di preveni y combati labamento di placa y financiamento di terorismo. E mocion aki a keda aproba unanimamente den parlamento.
E intencion ta pa urgi gobierno pa revisa e ley existente (AB 2011 no.28) (“LWTF”) pa evalua ki tipo di ahustacion ta posibel y aceptabel. Tambe ta e intencion pa institui un Monitoring Commissie Best Practices, y pidi Banco Central pa investiga y conseha Gobierno di Aruba si na Aruba mester introduci un sistema unda e tareanan di instancia di supervision ta wordo separa di e tareanan di Banco Central, conforme e “Twin Peaks” model manera ta e caso na Hulanda
Por lesa e documento completo aki:
Nos di Raiz ta contento cu Parlamento ta mustra cu nos por cera cabes hunto pa bienestar di Aruba su progreso. Cu e mocion proponi kier segura cu Aruba por carga un maneho mas “business-friendly” pero na mes momento cumpliendo cu ley y regulacionnan internacional, pa asina preveni cu Aruba cai riba “watch list”. Pesei e ta sumamente importante pa Aruba por keda maneha su sector financiero den un forma responsabel.
