Sr. Ursell Arends: “NA E ETAPA CU NOS TA AWOKI COMO ISLA, ARUBA MESTER DI NOS TUR”

Sr. Ursell Arends: “NA E ETAPA CU NOS TA AWOKI COMO ISLA, ARUBA MESTER DI NOS TUR”

Dialuna ultimo Sr. Ursell Arends tabata di bishita na Tele Aruba durante e programa di Nos Mainta. Den combersacion Sr. Arends a elabora riba e temanan di Adultonan Mayor y tambe Integridad.

Segun Sr. Arends, ‘e ta inacceptabel cu unabes bo yega edad di pensioen, bo ta wordo poni un banda y bisabo cu bo no ta conta mas’. Nos mester duna nan e balor cu nan merece, duna nan e oportunidad y tools necesario pa nan por sigui contribui positivamente na nos comunidad.

‘Na e etapa cu nos ta awoki como isla, Aruba mester di nos tur’, Sr. Arends a subraya.

Di parti di e maneho cu lo hiba, lo introduci help desk dedica na nos Adultonan Mayor. Den e manera cu lo organisa esaki lo atende cu e retonan cu nan ta enfrenta, for di cuido integral, salud mental, y tambe pa combati formanan di abuso contra nos grandinan.

Riba e tema di Integridad, segun sr. Arends, lo inicia cu trabounan pa percura pa instalacion di e ‘Integriteitskammer’. Ademas lo bay traha duro pa introduci e “code of conduct” den e aparato publico na nivel di Minister prome, y despues pa aparato publico completo. Sr. Arends ta menciona e importancia pa “lead by example”, y pesei lo cuminsa prome na nivel di ministernan.

Dentro di poco e ley di screening di ministers tin cu wordo trata den parlamento. Sr. Arends ta sigui splica cu nos mester zorg cu esaki ta bai conta pa parlamentarionan tambe. E no ta e intencion como Minister di Integridad cu ta manera tin un “new sherriff in town”, pero si cu lo zorg pa e structura y leynan concerni cu Integridad wordo ateni na dje.

‘PA NOS INTEGRIDAD NO TA NEGOCIABEL’. Esey kiermen haci lo corecto te asta ora niun hende ta wak.