ORANJESTAD: A base di RAIZ su ultimo LOB-verzoek Minister Otmar Oduber a entrega consehonan di DNM (Directie Natuur en Milieu) y DIP (Directie Infrastructuur en Planning) cu su persona a ricibi tocante e projecto ‘Isla di Oro Zoetry Resort’.
E adviezen di DNM y DIP ta confirma e importancia pa proteha e area en cuestion.
Banda di e informacion cu RAIZ a pidi den e LOB-verzoek Minister Otmar Oduber tambe a entrega copia di e carta den cual Minister ta informa e desaroyador cu, a base di e consehonan di DNM y DIP, su peticion encuanto e projecto ‘Isla di Oro Zoetry Resort‘ no ta wordo honra.
Aunque Minister President no ta na Aruba actualmente, toch su persona a sa di contesta RAIZ riba su peticion pa informacion encuanto e tema di control riba loke ta wordo “dumped” den nos awanan territorial door di e barconan di Repsol cu ta borando pa gas. Na e momentonan aki RAIZ ta repasando y analisando e informacion ricibi di Minister President hunto cu e advies di DNM cu RAIZ a ricibi di Minister Otmar Oduber tocante e tema aki.
RAIZ kier gradici Minister President Evelyne Wever Croes y Minister Otmar Oduber pa duna nos oido y honra nos peticion pa transparencia di gobernacion.
Comments
One response to “RAIZ tin oido di Gobierno”
Bon dia RAIZ,
Ta posibel pa share e contesta di pm y asina engrandece e transparencia entre gobierno y pueblo. Danki.