RAIZ cu campaña pa yuda yena declaracion di “inkomstenbelasting 2019”
Plataforma RAiZ ta informa cu den e luna di november 2020 lo tene un campaña pa yuda comunidad yena declaracion (formulario) di inkomstenbelasting 2019
E campaña ta encera cu profesionalnan lo yuda nos comunidad yena e declaracion di inkomstenbelasting 2019. Departamento di Impuesto a duna un extension te cu dialuna 2 di december 2020 pa haci entrega di declaracion aki. Pa RAiZ por duna un bon servicio, cada persona mester cumpli cu e siguiente condicionnan pa por ricibi ayudo. Personanan cu por participa ta:
⦁ Tur persona soltero cu tin un entrada bruto di no mas cu Awg. 75.000,- pa aña;
⦁ Tur persona casa cu – hunto – tin entrada bruto di no mas cu Awg. 150.000,-pa aña
Nos no lo brinda ayudo na esnan cu tin un empresa propio (eenmanszaak) of cu ta traha riba nan mes.
Durante e cita mester tin e siguiente documentonan disponible:
- Documentacion Loonopgaaf/ Jaaropgaaf 2019 (di trabou, di pensioen APFA/ SvB Aruba/ SvB Corsou/SvB Hulanda/ Bijstand etc);
- Documentacion pa deduccion pa hypoteca di cas 2019, esta carta di interes y tambe e aseguro di bida pa cu e cas (risico y P&O);
- Carta di interes di prestamo personal, prestamo pa auto, tarheta di credito (Credit Card) y carta di interes di companianan priva (P.E. AMC Unicon, Crown, Total Finance, Island Finance etc.);
- Documentacion di prueba cu a haci donacion na instancianan (giften afrek);
- Documentacion di yiu (nan) cu ta studia den exterior (Hulanda, Merca, Canada, Costa Rica, Corsou etc.)
Lo duna ayudo riba tur diasabra den luna di november 2020. E fechanan ta como lo siguiente:
Fecha Lugar Orario
7 november 2020 Mangashina – Koyari 28 Noord 08:30 am – 12:30 pm
14 november 2020 Club Caiquetio (Paradera) 08:30 am – 12:30 pm
21 november 2020 Centro di Bario Lago Heights 08:30 am – 12:30 pm
28 november 2020 Centro di Bario Brazil 08:30 am – 12:30 pm
Importante: pa un persona por wordo yuda mester tuma contacto na e siguiente telefoon +297 5949787 of e-mail: info@raizaruba.com pa haci un cita y menciona den cua districto bo ta desea pa wordo yuda. Ta cuminsa tuma yamada diaranson 4 di november 2020 entre 9:00 am pa 4:00pm. Cada cita por dura entre 10 pa 15 minuut pa cada persona.
Nota: Ora caba di yena e formulario cada persona mes lo mester traha copia di su declaracion di impuesto 2019 y entrega esaki promer cu 2 December 2020 naDepartamento di Impuesto na Camacuri #2.Pa RAiZ por duna un bon servicio, nos mester cumpli cu tur e regla y protocolnan stipula pa DvG Aruba.