Minister Arends a bishita Departamento di Aviacion Civil

Minister Arends a bishita Departamento di Aviacion Civil

Diamars 7 di december, 2021, Minister Ursell Arends a haci un bishita oficial na Departamento di Aviacion Civil. Esaki den cuadro di dia Internacional di Aviacion Civil, pero tambe na occasion di ambtenaarnan cu a hubila y/of bay cu pensioen.

Minister Arends a haya un recorido amplio di e edificio di Directie Luchtvaart y por a cera conoci cu e personal presente den nan ambiente di trabou. Despues di esey a bay over na un ceremonia organisa specialmente pa e coleganan cu a hubila y/of bay cu pensioen. Hubilarionan: Bernadita (Judith) Koolman (35 aña), Simon van Eenennaam (25 aña), Danilo Vrolijk (30 aña), Anthony Kirchner (30 aña), Corine Martis (25 aña).

Tambe a tuma despedida di Rebecca (Ika) Paesch, kende a bay cu VUT. E personanan aki a wordo felicita y gradici door di Minister Arends. “Den nomber di Gobierno di Aruba mi kier gradici boso pa boso trabou y aporte durante boso añanan di servicio. Tambe mi kier a felicita tur e profesionalnan den e mundo di aviacion riba e dia di awe cu ta e dia Internacional di Aviacion Civil”.