Ayera, durante un reunion publico na parlamento unda cu a pidi pa Minister Endy Croes duna un splicacion profundo tocante e iregularidadnan tumando luga na Sportsubsidie Aruba (SSA), a presenta un mocion di desconfiansa contra e mandatario.
A base di hopi consideracion cauteloso di tur locual cu a keda presenta durante e reunion, fraccion di Raiz a dicidi di sostene e mocion di desconfiansa.
Un di e pilarnan principal di Plataforma Raiz ta su compromiso absoluto na integridad gubernamental. Como mandatario ta bo deber pa maneha bo ministerio y departamentonan cu e mayor nivel di integridad posibel.
Den e caso di ayera, fraccion di Raiz no a keda satisfecho cu e elaboracion di e mandatario ariba cierto preguntanan.
Locual cu a tuma lugar ayera seguramente no ta di celebra. Ayera tabata un dia tristo pa politica rubiano cu lastimosamente ta atacha e confiansa cu pueblo tin den gobierno.